菲女部落格

菲女皮膚本身唔算太好，毛孔比較大又多汗疹，膚色又唔平均，所以喜用膏狀質地化妝品， 可以遮掩瑕疵外，持久性仲高過粉狀的好多呢！

先講明菲女之前在一個 fashion show 後臺見到模特兒用佢來行show 已經非常靚，後來和朋友去門市一試就馬上買了！

Make up forever HD 胭脂膏用中指點少少胭脂膏，再點４點在兩邊面頰上，再用中指和食指輕輕拍上面頰，就已經好出色，千其唔好貪心取多啲，所有膏狀胭脂只要薄薄一層就有自然得來又有實色效果，之後掃一兩層胭脂粉來特出面頰輪廓，打做可愛青春感覺！

如果貪心或重手咗取多咗胭脂膏份量，搽多一兩層胭脂色就好深色仲好假公仔feel ，而言膏狀關係補碎粉解救時記得摸多兩下，這就是膏和粉的最大分別，膏狀胭脂摸上面後唔易甩，一層碎粉補上根本遮掩作用不大，可能啲碎粉甩晒胭脂膏只係甩少少！

夏天外出幾小時後，粉底已經甩咗少少，胭脂還在！ (♡˙︶˙♡)

今次和大家分享化妝第一步驟底妝產品！

文章好長，希望大家唔好介意！先由最熱門韓國品牌→歐美→日本。有二十幾款咁多！請大家知到菲女對各產品的分析是針對在香港用後感覺！而不是住在韓國，美國，臺灣或其他地方人士用的反應，有些產品在唔同地區對乾性，油性，混合性皮膚可能是非常有效，可是在香港氣候環境都不一樣，各品牌的效果也有出入。 有任何意見歡迎大家一齊討論！

Son & Park 粉底液(價格$258)

功效：

效遮瑕，細膩肌膚，質地溫柔，易推開內含多種精華成份，保濕滋潤，撫平毛孔，於肌膚表面形成保濕層，用後倍顯水潤有光澤一邊為粉底膏+白色滋潤精華，另一邊為粉底刷，使用更方便，輕鬆締造無瑕底妝

本以為膏狀會 難 啲推開， 但只要用另一邊的粉底刷輕輕一掃就好放便將粉底平均推開，遮瑕度也很好！，質地算得溫柔， 韓國人喜歡水潤有光澤膚質 所以粉底都會內含多種精華成份，可惜呢隻保濕滋潤菲女就覺得一般，控油和持久度只有4、5小時，可能夏天菲女比較大汗半日就甩粉或溶粉，上薄薄嘅碎粉情況會好啲。

試咗幾日用後結論:均勻膚色做得很好，水潤一般，光澤和持久度也是中等，想持久就要補妝，適合上班嘅OL。

banila co.

 it Radiant CC in Melting Pact SPF32 PA++ $280 

質感非常透薄，顏色跟肌膚融合了一樣, 非常自然， 搽上面有水潤亮澤感覺(只係剛搽上的半小時)。對膚質本身沒有太大瑕疵，毛孔唔明顯人士係最佳！

如果要遮黑眼圈、痘痘、斑斑的話，咁sorry 啦！

如果你想之後補上BB cream 來遮少少瑕疵都可以！但如果要補上遮瑕膏或其他碎粉遮掩較深嘅斑斑，就失去原本水潤效果了！

banila co it Radiant CC Cream SPF30 PA++

$248

2013年推出的超人氣調色的底霜

菲女係韓國化妝品中最為喜歡也大力推薦的一款！

其實在13年初去韓國時就已經愛上，雖然佢無任何顏色，但質地透薄貼服易推，滋潤肌膚修飾細紋效果很好，提亮肌膚擊退暗啞，使肌膚能夠從內而外紅潤光澤，相對新banila co. CC粉餅或市面一般嘅CC cream 質感厚少少，當然遮瑕度近乎沒有，it Radiant CC Cream 用來當作防曬底霜，或者以一比一與有色粉底霜混合使用就最適合！

IOPE  SPF50 PA+++

Iope 呢隻好薄，好水潤，毛孔遮得幾好 ！但同 LANEIGE cushion BB 比 LANEIGE遮瑕度好啲，補2層普通瑕疵就攪掂，IOPE 就要多上幾層， 因為 LANEIGE 粉一厚過Ipoe ,透氣度當然Opie 好啲啦，所以持久力會無咁耐！

Iope 和LANEIGE 兩者分別 底 不大，只係香港比較悶熱上完氣墊粉餅一定要再用蜜粉定妝，  尤其是油性肌膚。

兩款比較適合年輕肌膚(十幾小妹妹)，撲上多次都不會覺得厚粉！相對其他底妝液，cushion 粉餅根本唔係畀香港人用，要無瑕疵唔易出油，用佢後唔洗補任何嘢先可以變“千頌依”！

The face Shop Clean face Oil-Free BB Cream

時見好多韓國宣傳BB cream .當時香港嘅韓風仲未成行，而只有幾位bloggers寫過下！

其實嗰時 Bloggers都係話 Missha BB Creams 好用，可是菲女試來試去 Missha嘅 BB Creams 好杰身，搽上面啲色調又徧白，見朋友用咗好似好厚粉咁，加上價錢唔算平！當然唔跟住買啦！

The face shop BB cream 唔算杰，遮瑕幾好，連菲女千年黑眼圈都遮到！！雖然話oil free 但質感較潤、較厚，比現在粉底要求薄身好唔同！可能當時由澳洲返來皮膚徧乾、有少少敏感，加上跟風所以為BB cream 好用！

啡色支BB Ceam 已經唔再出

Perfect Magic BB cream spf 30 pa++

呢支紫色韓國BB cream 係韓國美容公司畀菲女試，近年底妝要求薄，滑，水潤，呢支全做到，仲有SPF30防曬，加上遮瑕度都唔錯，當然暗瘡和黑眼圈要再上粉才能遮到！

但佢唔防水，持久力一般，半日就浮粉了，夏天香港用就……！

3CE

Glossing Waterful Foundation SPF15

Natural Ivory 其實這款的遮瑕力不高大家都知道，要另外使用遮瑕才可

韓式妝容就是要薄、透、水感 自然!3CE呢款算做得好出色，在韓國或其他乾爽地區可能會好啲，可是3CE 在香港用菲女就絕不應同多數用家有讚不絕口的持久度高和均勻修飾膚色等等，本人用3CE 的底妝、遮瑕、碎粉、眼線、膏唇、彩妝等等！跟You Tube 3CE韓妹 化妝步驟…9點出門工作，11點左右就甩妝！可能菲女唔識用、年紀大或多汗水，不論冬天夏天都有這個情況！

遮瑕 Waterful Concealer

直接用指尖沾少少塗在在黑眼圈和疤痕位置, 雖然沒有完全消失 但遮到啲都算好！

黑眼圈也沒這麼重！

(豬油膏)Pore Silky Blam

睇落白色膏狀，推開後就變透明的粉末，他說有修飾毛孔作用，會令妝容貼服，用過幾次，感覺不多好，首先不易推開，用嘅分量好難控制 ,多少少就難推得均勻，上粉後會覺得一達達，用得少就無效果！同日本十幾年前出的零毛孔霜差不多，都係9.秒9打入冷宮！

Moist Glossing Face oil Mist

一定要講呢支，冬天時皮又乾又經常甩皮妝前妝後噴兩下不單令妝容貼服，還令肌膚得到滋潤和保水！3CE 中菲女唯一會用，和推薦的，話明Glossing點都會油油地所以唔好貪心噴多啲，夏天都不適宜用，噴多咗反而容易出油㗎！

至於另外innisfreee TONY MOLY, Skin Food, ect...都是差不多，護膚品還算可以，但化妝品就唔會花錢再買了！

EDUTE HOUSE 包裝好靚，價格中等，質素只適合年紀較輕 淡妝 人士用！

總括菲女來說韓國化妝品只是個潮流，試用過就算，不會長期放在化妝袋！也不會回購！更不會追捧，因為大多產品只用三四次就打入冷宮，除banila co 的CC cream 沒有一樣用到見底！再三強調，不論CC、BB 或DD cream 都不建議單一用來完妝！因為這些其實是功能霜，本身用作打底再配合有色粉底液和碎粉！而日日用更會令皮膚加快有色斑！尤其現今女士經常要貼薄，水感的質地;就算更高防曬度，都因為透薄水感而減低耐用性和防汗水的效能！

Make up forever 

好早期身邊啲化妝師朋友已經推薦菲女用！(都十幾年前嘅事，嗰時本人還是愛用 shiseido)

Make up forever HD無瑕粉七底液

看看柔滑程度好似乳液咁水漾細緻好易推

粉底液一般都有一定的遮瑕度，面呢支HD遮瑕度有六成以上，而且，它改變膚色的能力是真的有的，至於控油度反而不夠持久！

用呢款底霜有兩個建議:

油性皮膚～想個妝持久可以用埋佢嘅隔離霜出油情況會好啲， 同時自然地調整膚色，全日不易氣化！

乾性皮膚～ 可以底妝前塗上或混合 HD緊緻光采精露一起，不單即時提升肌膚水潤度，上妝更貼服和持久，菲女更發現全日不浮粉，不補妝都得！要記住冬季或乾性人士用才適合！

雖然佢嘅 專用HD海棉 很好用，不過價錢貴咗啲！好彩sale好人送咗幾個斜角海棉仔畀我！

HD亮晰潤色隔離霜

佢嘅調理膚色度真係得好，質地細滑易推， 透薄 到好似自己皮膚咁， 改善偏黃或暗淡等不均勻膚色，令膚色自然不做作感覺， 如果有防曬系數是更好！

HD微晶蜜粉

一般市面上的蜜粉，大多數都有滑石粉成份，令肌膚乾燥，不過HD微晶蜜粉矽粉做所以更細滑更輕！白白細粉輕輕一掃，做出透明亮麗，全日定妝和控油無難度！可惜價錢貴，菲女每用一次心就痛一次！

但是貴得有價值！

HD緊緻光采精露

呢支係菲女又愛又恨

佢係塗護膚品後妝前的第一滴

用於所有的底妝之前，用起來的感覺是不會油膩，保溼度適中

(化妝師多數喜用佢為新娘和model化妝前嘅打底)

MAC

都係澳洲時期用得最多，因為十幾年前日本牌子化妝品在澳洲不是很多！

MAC Foundation

質地細滑服貼薄透，好易上妝。

相對遮瑕度EsteeLaduder foundation ，HD foundation比較高，但MAC 勝在透修飾膚色較好，有種自然裸肌光澤感，對於要遮住菲女嘅黑眼圈功效一定唔得！

只係控油度點都比韓國粉底好！在澳洲用就足夠^u^

CHANEL CC粉底液

2013新產品錢比同類型貴，粉底液好推，修飾力比韓國品牌嘅裸肌光澤感只係差少少，Chanel貫徹始終在美白 、保濕 肌膚方面好出色！而遮瑕度，雖然好服貼，好薄，透亮，可是較明顯的痘痘，斑斑，黑眼圈要再上遮瑕膏或碎粉才沒有這麼明顯。

Anna Sui  保濕粉底液

質地水潤透薄唔厚粉

保濕功效好，控油一般，遮瑕度都ok，不過對於痘痘，黑眼圈就唔多！

Anna Sui   魔法肌密防曬飾顏乳 $250

隔離霜・底霜

滲透性高好快被皮膚吸收，保濕之餘又有清爽觸感。

Anna Sui 魔法肌密保濕飾顏乳

除水潤外就是水潤，用來隔離打底！菲女好快就打入冷宮了

2012 魔法肌密防曬粉底液 $335

和 魔法肌密保濕飾顏乳一樣勁水水的！

控油，遮瑕，持久全部一般般！

佢似香水多過粉底液！

魔法肌密柔滑蜜粉$320

質地好柔滑，遮到一般毛孔, 粉刺！

仲好香！

薔薇柔白防護蜜粉 (SPF20・PA＋＋) $320

蜜粉好輕混合珠光粉末，令肌膚光澤。

蜜粉撲起來也很舒服！毛孔遮得ok,控油都可以啦！

Bobbi Brow And Giorgio Armani 

Giorgio Armani Maestro Fusion Makeup SPF15 HKD$630

2006年開始身邊朋友都說很貼服，而網上嘅影片，Bloggers都絕對推薦粉底液。菲女自然不會錯過又敗家地買了堆回家啦！

質地是感覺很水潤， 而且十分貼服，應該做到裸妝自然效果;如果全日只留係室內，唔出街的話！

Bobbi Brow And Giorgio Armani都係菲女唔會再光顧的牌子之一！為什麼？大家應該都睇得出菲女每次用新化妝品會一套咁買，好少單一試的，呢兩款牌子由護膚品嘅眼霜，日霜，爽膚水，到化妝品嘅隔離，粉底，遮瑕，眼妝和卸妝…等等全都用過！

經過多年來和other用家分享後，得出結果佢哋嘅護膚品不建議花錢買，就連專業化妝師都各自私下同意的！兩者嘅皇牌都係底妝，而兩者遮瑕和控油做得算出色，他們的粉底霜/液本身厚薄適中可以遮掩較多較重瑕疵！(大粒痘痘另計）可是耐久力和貼服情況就要睇返用家膚質！如你本身只係油性，底層皮膚夠水潤，恭喜你！這些產品算適合，只係香港街外又焗又潮濕，室內就開冷氣 皮膚底層會勁扯水，中午時分要補妝！如果你是混合性;T字位易出油，兩邊面頰徧乾，或面部只有少少出油，眼角、嘴角、前額笑嘅時候會有細紋出現，都是外油內乾的人，這兩款產品嘅貼服情度就無咁強，妝前要用保水產品先得，記得11：00～12:00左右補咗妝先出外食lunch！至於乾性的人本身皮膚已經唔夠水分，油都唔出得多，仲用控油嘅嘢！所以Bobbi Brow And Giorgio Armani 好定唔好你們自己想想！

BECCA

Shimmering Skin Perfector

銀白珠光色質地透亮光澤， 還有控油功能，質感雖然不及makeup forever HD 隔離霜簿， 反而BECCA的提亮臉部輪廓較高！

光透感修護潤色粉底乳 Luminous Skin Colour

質地滋潤得來又清爽，控油力度一般啦

上粉底時要輕輕用手推開遮暇度會好過用掃掃，調整均勻膚色也算自然！

呢支粉底遮瑕度和3CE.一樣，係十分之底，黑眼圈較深、斑斑較多人士就會失望啦！

Neutrogena

Estee-lauder

佢嘅粉底液有好多款來迎合唔同性質皮膚！有油性、徧乾性、零毛孔遮瑕和近期水漾持久等等！菲女之前去過VIP試用會和他們的化妝班！試玩過後感覺唔錯比起BobbiBrown ,Makeup forever 薄身啲，比Chanel貼服有水水感覺而又遮到瑕！可是在控油或防水防汗就無咁強，都係適合經常係室內嘅OL多啲！

兩個牌子都適合敏感性和孕婦嘅化妝產品，Jane Iredale 相信都多人聽過，算是較早健康化妝品打入亞洲區，菲女幾喜歡

有防曬，算滋潤，容易推開，因為畀大肚婆和療傷性皮膚人士用所以普通人用會感覺有沒什麼，遮瑕不高，但好在性質温和。

Emani 底妝無防曬，但勝在遮瑕度高，所以比較厚身，而且菲女喜歡Emani粉底有12色系，比JI得4款更易選擇到自己近皮膚色！

論價錢DM算高價嘅打底霜，三款質感都好薄，適合戶外運動或唔多化妝的女士用！

講到 資生堂菲女可以算係VIP中的VIP,忠實粉絲由初中用在宜家，由 neuve、PN、SHISEIDO Pureness 到 MAQuillAGE、 INTEGRATE、 SHISEIDO Elixir、SHISEIDO White Lucent、SHISEIDO Sun Protection和高貴的Cle de peau大部分都用過

Shiseido Maquillage Styling Keep Base UV SPF24 PA++

質感好薄同好滑，好易推開，整日都無出油的情況，控油能力亦值得一讚，而顏色方面都好近膚色，有很白少少白裡透紅的感覺，修飾毛孔粗大的問題, 非常適合上妝前使用．

Shiseido Maquillage Lasting Liquid UV SPF 25 PA++

感覺好滑, 而且好有光澤, 肌膚既透明度好好, 感覺好自然粉底可以防汗水, 5-6個鐘之後妝都係有d甩. 粉底液非常幼細及貼面，用完都好自然，吾會有好厚嘅妝容感覺，另外亦都可以遮到我嘅黑眼圈

Shiseido Perfect UV Protector SPF50+ PA++++$280

質地是水水清爽不黏,防曬指數高,價錢O.K. 易推開,好適合夏天戶外活動

資生堂 INTEGRATE 妝前底霜 25g (SPF25C．PA+)

 日本特價，但台灣仲平！

*Sofina 好細心 大部分産品背後都有標明每次使用量！
*底霜質地水潤易推，只要用手或掃由上向下塗上便可。
*質地很幼滑，容易推開。
* 確實是貼伏,不浮粉
*遮瑕度就又不黏淋淋，係上粉前的最保濕防曬打好底霜。

*底霜含洋甘菊精華作保濕功效，控油度也不錯，外出 3、4小時也不用補妝。 產品有SPF 20 PA++防曬，日常外出已不錯。 如果遮瑕是你第一關心問題，可一試此底霜。
(手上的紅筋遮得很好呢~~。)

SOFINA3 合 1 完美遮蓋底霜 SPF 20 PA++$280

略帶肌色的底霜，將「柔滑毛孔底霜」、「完美遮蓋底霜」及「亮肌底霜」三款產品的功效集中於 一支，透過光線效果及優化的球狀和板狀粉體，遮蓋膚色的不均勻，無論是毛孔、色斑・雀斑，還是暗啞，只要一支就能解決，保留素肌神韻同時自然地調整膚色。

SOFINA 修護保濕精華底霜     $260

保濕精華成分，即時調理成充滿滋潤的柔嫩肌膚，使粗糙肌膚變得水潤而平滑，充分發揮底霜效果；抗老化成分，化妝同時護膚，打好化妝基礎，容易上妝，保留素肌神韻同時自然地調整膚色。抗老化保濕精華成分：馬栗樹精華、生薑精華、AL Proline、日本羅漢柏精華、洋甘菊精華。給與肌膚彈力與滋潤，使肌膚容易上妝。防止粉底脫落或起皺折，使漂亮的妝容持久保持。

Primavista修護保濕精華底霜SPF15 PA++ ($280/25g)

呢一支夏天用來做妝前底霜 尚可，佢有滋潤保水 能淡化幼紋和乾紋。 質地清爽順滑易推，但控油唔得，半日鼻頭，額頭就出油了。雖然上粉貼服，而且令膚色光亮，但和其他化妝品一起用，效果就減半！

ES SKinbase